Io

Ganimedes eta Io taldeak erabat diseinatutako bi suziri dira, motorra izan ezik, hura erositako motor solido bat baita. Suziri hauek 2021eko bigarren erdian diseinatu ziren, eta haien helburu nagusia paraxutak zabaltzeko sistema berri bat probatzea zen, suziriak osorik berreskuratu ahal izateko beharrezkoa den funtzioa. Bi suziriak eraikuntzaren aldetik oso antzekoak dira, hari-barrez osatutako barne-egitura bat baitute, zeinari altuera ezberdinetan plataformak batzen zaizkion. Suziri hauen diseinuan azpimarratzekoa da kofia (edo punta) ere, taldekideek beira-zuntza erabiliz fabrikatu zutena. Haien arteko desberdintasun nagusiak, alde batetik, erabilitako materialak eta, bestetik, tamaina dira.